ಸರಿಸುಮಾರು ೩ ವರ್ಷಗಳ ನ೦ತರ ಇವತ್ತು ಇದ್ದಕ್ಕಿದ್ದ೦ತೆ ಶಿಲ್ಪ-ರಮ್ಯ ನೆನಪಾದರು. ಶಿಲ್ಪ-ರಮ್ಯ ಹೇಳಿಕೇಳಿ ಅಪ್ಪಟ ಗೆಳತಿಯರು. ಅದೆಷ್ಟೋ ನೆನಪುಗಳು, ಜಗಳಗಳು, ಮನಸ್ತಾಪಗಳು, ಸುಖ ದುಃಖ, ಕೋಪ ತಾಪ ಎಲ್ಲಾ ತಾಳಿಕೊ೦ಡು ಪ್ರತಿಯೊ೦ದೂ ಮಜಲಿನಲ್ಲಿ ಕೇವಲ ಸ್ನೇಹವನ್ನಷ್ಟೇ ಗಟ್ಟಿಮಾಡಿಕೊ೦ಡು ಬ೦ದ ಜೀವಗಳು ಅವು! ಅದೆಷ್ಟೋ ಮೆಸ್ಸೇಜ್ ಗಳ, ಗ೦ಟೆಗಟ್ಟಲೆ ಹರಟೆ, ಸಮಯದ ಪರಿವೆಯೇ ಇಲ್ಲದ ಚಾಟಿ೦ಗ್, ಆ ಚಾಟಿ೦ಗ್ ನ ಮಧ್ಯೆ ಇರೋ-ಬರೋ ಹುಡುಗರ ಪುರಾಣ, ಹಾಗೆ ಎಲ್ಲದರ ಮಧ್ಯೆ "ಸ್ನೇಹ ಶಾಶ್ವತ" ಎ೦ದು ನಿಮಗೊ೦ದು ಸ೦ದೇಶ ಕೊಟ್ಟ ಇವರೀರ್ವರು ತೆರೆಯ ಮರೆಗೆ ಸರಿದದ್ದು ಇತಿಹಾಸವಾದರೂ ಸತ್ಯ.
ಅದೆ೦ಥದೋ ಹೇಳ್ತಾರಲ್ಲ, ವಾಪಸ್ ಬ೦ದ್ರೆ ಫೀನಿಕ್ಸ್ ತರ ಬರ್ಬೇಕು ಅ೦ತ, ಹಾಗೆ ಇವ್ರಿಬ್ರೂ ಈಗ ಮತ್ತೆ ಬರ್ತಿದಾರೆ- ಹೊಸ ಗೆಳೆಯರೊ೦ದಿಗೆ, ಹೊಸ ಹೊಸ ಸಮಸ್ಯೆ-ಪರಿಹಾರಗಳೊ೦ದಿಗೆ, ನವನವೀನ ಅನುಭವಗಳೊ೦ದಿಗೆ!!! ಅ೦ದಹಾಗೆ, ಇವ್ರಿಬ್ರ " Sudden Gayab" ರೋಗಕ್ಕೆ ಕಾರಣ ನಾನು ಅ೦ತ ಮತ್ತೆ ಮತ್ತೆ ಹೇಳ್ಬೇಕಾಗಿಲ್ಲ ಅ೦ದ್ಕೋತೀನಿ.
ಛೇ! ಶಿಲ್ಪ-ರಮ್ಯ ಬಗ್ಗೆ ಬಹಳಷ್ಟು ಜನರಿಗೆ ತಿಳಿದಿಲ್ಲ. ಸಮಯದ ಅಭಾವ ಇರೋದ್ರಿ೦ದ ಸ್ವಲ್ಪ ಮಾತ್ರ ಹೇಳ್ತೀನಿ ಕೇಳಿ - ಶಿಲ್ಪ-ರಮ್ಯ ಕಾಲೇಜಿನಿ೦ದ ಗೆಳತಿಯರು. ಇವೆರಡೂ ಪಾತ್ರಗಳು ನನ್ನ ಕಲ್ಪನೆಯ ಕೂಸುಗಳಷ್ಟೇ!.
ಕೊನೆಯಲ್ಲಿ: "ಕೊರೆತ ನನ್ನ ಆಜನ್ಮಸಿದ್ಧ ಹಕ್ಕು" ನಾನು ಅದಕ್ಕಾಗೇ ಬದ್ಕಿದೀನಿ; ಅದನ್ನ ಮಾಡೋದಕ್ಕೆ ನನಗೆ ಯಾವ ಬೇಜಾರೂ ಇಲ್ಲ!!!.
