ನಿನಗಾಗಿ

ನಾನೋ, ಸಾಮಾನ್ಯ ಮಾನವ, ಎಷ್ಟು ಅ೦ತ ನಿನ್ನ ಹುಡುಕಲಿ? ನಿನಗಾಗಿ ಹುಡುಕದ ಸ್ಥಳವಿಲ್ಲ! ಸುಳಿವೂ ಕೊಡದ ಜಾಗಕ್ಕೆ ನೀ ಯಾಕೆ ಹೋದೆ? ಕಾಯುವ ಕರುಣೆ ನಿನ್ನಲ್ಲಿರಲಿಲ್ಲ ಅನ್ನೋದು ನನಗೆ ಗೊತ್ತಿಲ್ಲದ ಸತ್ಯವಾಗಿತ್ತೇನೋ?? ನಿನ್ನನ್ನ ಕಳೆದುಕೊ೦ಡೆ ಅನ್ನುವ ಭಾವ ಈ ತನಕ ನನ್ನ ಸುಳಿದಿಲ್ಲ, ಭವಿಷ್ಯದಲ್ಲಿ ಸುಳಿಯುವ ಯಾವುದೇ ಸುಳಿಹೂ ಇಲ್ಲ. ನನ್ನ ಭವಿಷ್ಯದ ಪ್ರತೀ ಮಜಲಿನಲ್ಲಿ ನಿನ್ನ ನುಡಿತ ಬಿಟ್ಟೆ, ನನ್ನ ವರ್ತಮಾನದ ಸಕಲ ಚರ್ಯೆಯಲ್ಲಿಯೂ ನಿನ್ನದೇ ಚಾಪನ್ನೊತ್ತಿದೆ, ನನ್ನ ಹಿ೦ದೆ ನಿನ್ನ ನೆರಳು.. ಹೊಗಲಾದರೂ ಎಲ್ಲಿಗೆ ನಾ? ನೀ ನನ್ನ ಬಿಟ್ಟು ಹೋಗಬಲ್ಲೆ. ಕಾರಣ ನಾ ನಿನ್ನ ತು೦ಬಿಲ್ಲ. ನಾ ನಿನ್ನ ಬಿಟ್ಟರೆ ನಾನೇ ಇಲ್ಲ!